Mayroong isang error sa gadget na ito.

Miyerkules, Hunyo 6, 2012

KM3: Tinig ng isang Maharuth......




Ako’y naniniwala na ang tinig ng isang simpleng Pilipinong katulad ko ay napakahalaga ngunit pano nga ba isasatinig ng isang ordinaryong Pilipinong katulad ko ang kanyang mga hinaing sa kanyang lipunan kung ang aking tinig ay isa lamang parang bulong sa kanilang pandinig,hinde lamang ang aking tinig ang mahalaga kundi ang nakararaming Pilipino na ngayon ay nananaghoy at humihiyaw dahil sa sakit ng ating lipunan, Ano-ano nga ba ang mga isinasatinig ng ating mga kapuwa Pilipino? Una na diyan ang KAHIRAPAN, bakit sa hinaba – haba ng termino ng bawat pangulo sa Pilipinas ay hinde parin malunasan ang krisis ng kahirapan, ano nga ba ang karampatang solusyon para dito, ikalawa ang KATIWALIAN sa gobyerno, pano nga ba ito mawawala? Isa itong dahilan kung bakit maraming Pilipino ang naghihirap,. Ikatlo ang KAPAYAPAAN, bakit walang katahimikan ang bansa nating Pilipinas, para tuloy naisip ko na sana may MARTIAL LAW nalang uli baka sakaling bumalik ang katiwasayan ng ating bansa, mas mainam naman na wala nang patayan at kung ano- ano mang karumaldumal na krimen sa ating bansa.Bakit hinde na lang sila magsama-sama para sa ikauunlad nang ating bansa. At ang ika-apat bakit hinde mawala sa ating bansa ang salitang CRAB MENTALITY, ang aking pananaw sa buhay ang tagumpay ng isa ay tagumpay ng lahat ngunit madami paring Pilipino ang sakim sa tagumpay, pano nga naman ba tayo aasenso kung ganyan ang kaugalian ng bawat isa.

Wala naman ibang tutulong at makikinig talaga sa ating mga munting TINIG kundi ang MAYKAPAL na laging nandiyan para tayu ay damayan sa lahat ng oras at panahon nang ating kagipitan. Kung kaya sana ay wag mawala ang ating pananampalataya at paniniwala sa KANYA.

Hanggang kelan kaya mananatiling bulong ang sinisigaw na munting tinig nang ating mga kababayan? Hanggang kelan magiging bingi sa mga tinig na kanilang naririnig ang mga nanunungkulan sa ating lipunan? Hanggang kelan mag bubulag-bulagan ang ating mga kababayan sa mga nangyayari sa ating paligid? Hanggang kelan magiging pipi ang mga taong nasa posisyon para isiwalat ang mga taong nagnanakaw nang ating kaban?



Ito ay isang lahok para sa tanyag na si Kulisap.

Lunes, Oktubre 3, 2011

Kwarta o Saya????

(SIERRA MADRE - sa Pilipinas yown)

Walang hihigit sa SALAPI sa masayang GALA na may NGITI.

Ito ay isang pagtangkilik sa kaibigang si Bulakbolero

Lunes, Agosto 1, 2011

Luha sa Isang Bisig

Luha sa Isang Bisig

<><><><><>  <><><>
Unang araw na ika'y nagisnan
tuwa't galak ang aking naramdaman
siyam na buwan kitang inalagaan
sa aking sinapupunan
Masaya ako't ika'y kapiling na
sa kabila ng katotohanang
ikaw at ako lamang ang magsasama
sa hirap, tuwa, sakit at ginhawa
Ngunit ano itong aking nararamdaman
Takot ang sa aki'y nananahan
paano kung di magampanan
Ama't ina sa iyo'y kinabukasan
Aking hiling sa Maykapal
Anghel ko'y patnubayan, habang ako'y wala
Upang sa aking pag-uwi
Ngiti at yakap mo ang aking datnan



Bilang pagtugon sa pakontest ni Iya_khin

Huwebes, Hunyo 23, 2011

Para kanino ka gumigising?...

Sa 27 taong pamumuhay ko lagi ko
                                     nasasabi na salamat
sa panibag0ng umaga ko :)

Una dahil paggising ko ay buhay pa ako,

pangalawa dahil makikita ko na buo pa ang pamilya
ko sa kabila nang patong patong na problema
na aming inaakibat at .....

pangatlo dahil may mga taong umaasa
sakin kaya kailangan ko pa ang bukas
 at mga susunod pang bukas.
Hay's sa umagang to ang iniisp ko ay kung pano
ba ko makakabenta ng sigarilyo kung madaming taong
humahadlang sa aking propesyon gaya na lamang nang
batas na bawal na sa public place ang paninigarilyo
(effective July 1, 2011) sa madaling salita san ako
pupwesto sa pribadong lugar din ba tulad ng ano
( sa loob ng otel, sa loob ng opisina at iba pa)
eh bawal din dun eh...hays paano na ko nito.????
eto nalang ang aking kinabubuhay....
Saan na ko pupulutin nito….
saan na mapupunta ang mga
TAKATAK BOYS AND TAKATAK GIRL
( ako lang kasi kaya GIRL lang).

Hinde ko alam kung tama ba tong mga
pinagsasabi ko sa BLOG na ito pero
isa lang ang alam ko ang maglabas ng saloobin
ay pwede mo palang magawa sa BLOG.

Sa muling pagtunog ng……


TAKATAK….TAKATAK….TAKATAK….

Ikaw para kanino ka bumabangon?.......................(NESCAFE)



MAHA-RUTH

Miyerkules, Hunyo 22, 2011

TAKATAK TALAK

dahil wala akong maisip na masulat sa lecheng blog na to, ako ay humihinge ng tulong sa inyo kung ano pa ang dapat kong gawin? San ba ko magsisimula ( eh sa hnde ko alam kung paano eh). kasalanan mo to JKULISAP pinilit mo lang ako mag-gawa ng blog nanahimik akong nagbebenta ng yosi at kendi sa kanto napadaan ka dun at akoy inurirat mo sa blog na ito at ako'y iyong pinilit na gumawa ng sarili kong blog.

May dating ba ang love team na NOMADS kesa sa MA-MAO?

Masama ba ang magyosi? Ano ba ang lasa nito? Nagtataka lang kasi ako kung bakit madami ang may gusto nito sa kabila ng naiiwang amoy nito sa balat ng tao.

Mao, kung isa kang YOSI anong brand ka?....

Makitakatak na.....


Maharuth...